روائع الكلام
لما اقابلك فى الاحلام
قلبى يقولك احلى كلام
وافضل اغازلك ليل ونهار
قول ياحبيبى ليه محتار
وسط كلامى اقول حكايات
وصوتك يعلى مع الضحكات
اصل العشق ده له علامات
ايوه انا عاشقك حتى ف صمتك
واغزل شعر كمان فى ملامحك
لما عيونى تيجى ف عينيكى
والقى زهور وورد حواليكى
قلبى بينطق احلى حروف
اصل انا قلبى ملك ايديكى
الاسلوب فى الحب بيفرق
ويجعل قمر الضلمه بيشرق
ولما اغازلك وتغازلينى
ولما اعاتبك وتعاتبينى
وسط كلامنا قلوبنا بتفرح
وورد النرجس حوالينا يطرح
شئ مابيحصل فى الاحلام
اجمل عشق واحلى غرام
ويدوب قلبى ف احلى كلام
شعر أحمد اسماعيل / شاعر العرب
روائع الكلام// بقلم الشاعر: احمد اسماعيل
أكاديمية رياض الشعر والأدب 