القمر// بقلم الشاعر : احمد اسماعيل

القمر
القمر فوق فى العلالى
فى الغرام شاغل لى بالى
ياقمر انزل وصبح
خلى قلبى مره يفرح
انتظارك طال معايا
قولى ايه اخر النهايه
الغرام وياك تاعبنى
فى الليالى ليه تسيبنى
ياقمر خليك حنون
حب ده ولا جنون
انت فوق فى العالى واحنا
عمرنا بلقُاك فرحنا
ليه خسوفك بيشاغلنى
لما طيفك بيحايلنى
ده الليالى معاك بتحلى
حتى عشقى ليك بيغلى
ياقمر بعدين معاك
وقلبى ماشغله سواك
كل دقاته تنادى
ياقمر ارحم فؤادى
بسمه واحده هاتراضينى
تسعد العمر وسنينى
ياقمر يابو الجدايل
ده انت سويت الهوايل
لما اشوفك فى الليالى
الحنين غير لى حالى
ايه ياقلبى جرى لك ايه
والله ما أعرف ايه جرى لى
شعر أحمد اسماعيل / شاعر العرب