افهق عن الخافوق وعن صدري الضيق
لعل لعج بروق يرزم سناها
تاتي لنا الامال حرار. مطاليق
وسقومنا بالحال نلقى دواها
نروي ضمانا بعد ما نشّف الريق
وتصفى بعد خضه ونشرب. مياهه
الدنيا غروره واخلفت. بالمواثيق
بدل الدوا للجرح تنشر وباهه
والعين بالاحلام عيّت تفيق
وكاد كثر الهم جاها. وعماهه
صوت الحديّه يجلب الشوم. بنقيق
وترمي على العباد غِثا. وبلاهه
حس الانين يزيد وسط المعاليق
وهموم فوق الهام ترفع. لواهه
لابد ما شفوقه تبدا بمشاريق
شمس الحقيقه ونكتفي من. جواهه
والحر لغلال البناديق ما يطيق
غراس الشهامه من الموده رواهه
وتعود للديره صفات المعاتيق
طيب وشهامه والموده جناهه
شعر .عاطف سيطان البربور
أكاديمية رياض الشعر والأدب 