اكتبني حرف بدفتر الايام
واحكي عن الاحلام والآلام
اسرد قصص ابطالها الاشجان
مداده خضابي والظلوع قلام
قديش ما وقت العنا طولّ
كل ما خلص بيعود للأول
والسقم بالاحشاء يتجول
ترى الشقي اكيد ما. بينلام
خلصت دفاتر عمرنا. تدوين
وعبرات نشفت بمقل هالعين
عاثت بنا الشذاذ وبليس اللعين
والصل ينفث من الناب . السام
مل الصبر من صبرنا يا ناس
وصار التبع بيصول كالجرناس
ما ضل ببعض الخلق. احساس
والعز ولّا وغيّر الهندام
ما ضل مابين الخلق. رحمه
حتى ع درب الموت في. زحمه
نسمع حكايا عن طعمة اللحمه
هيي زرع او خاص بالانعام
لميت نبقى بحالة. التعثير
كل شي صفى بديرتي. تقتير
نضب الوفا وصرنا ع حم. الكير
وعروق نشفت والخير لقدام
شعر: عاطف سيطان البربور
أكاديمية رياض الشعر والأدب 