<><>< رد ام تناجي ابنها ><><>
باللهجة الاردنيه
يابني انااللي ظميتك الف ظمه وظمه
اليوم منك انت الالف لمرتك..والظمه
وامك ولاظمه
ظميتك وانت زغير بحظني احلاظمه
وما تركتك ابد ورحت لابوك .. لاظمه
ولا ظمه
لمابكيت عينك تدمع عيوني من حمه
اشكي انا : حاجتك صرتي عجوز يمه
وحرمتني من ظمه
وبولك … كنت امسحه بايدي واشمه
وتشم ريحتي..من بين مية امه وامه
واليوم عجزتي يمه
ماعاد عطري اله اسم .. ولا نوع يمه
وعطر مرتك …. بايدك ترشه وتشمه
وعطري ماتشمه
صدري ،حضن الحنان .. تشمه وتزمه
وحضن مرتك ،صار الامان .. الك يمه
نسيت حضني يمه
وبتمي .. كنت اجس حرارتك واخمه
واليوم ما يطيبلك غير ثمك.. ع ثمها
تمي اله ريحه يمه؟
باصبعي احكلك طلعوا سنونك ..يمه
نفرح ونعيد ،بشقفة سن بتمك .. يمه
وسناني لما هرت يمه
عجزتي.. لشو سنانك بعد هالعمر يمه
سنان اللولو لمرتك ،حلوين كتير بتما
هيك مرتك لامها؟؟
طلبت من ربي .. عمري لعمرك يظمه
واليوم تسمعني”بعد عمر طويل” يمه
يومي قبل يومك يمه
بتذكر سهرتني من شوكه برجلك يمه
اليوم ياريت نعيش عمرهاويخف هما
بكفي العمر الك يمه
يزيدربي من عمري مش اللي الك يمه
لدخلك الجنه برضى ربي ورضاي يمه
بدي اوصيك يمه
لاتمل من امك يمه مهماحملها زاد همه
مرتك ام لا تتجبر بكرا ابنها بيكره امه
انا امك وهيه امه
تحملني بكرا ابنك يرد متلا ،الك ولامه
ياحيف يابني عللي يعز مرته ،يذل امه
بكرا ابنك مايعز امه
ولا عطرك ابد يشمه.. ولا سنونك تهمه
ولا فراشك يلمه .. ولا يظمك ولاظمه
لا انت يابني ولا امه
ماتعرف قيمة الأم الابعد ما القبر يلمها
قول لمرتك لاتتكبر لابد يوم ترابا يطما
……. وخبرها عني .. قول يهما
……. اليوم انتِ مرته ،وانا امه
……. وبكره ابنك ..تصيري امه
……. ومرته كنتك .. وانتي امه
……. زرعك اليوم … بكره تلمه
……. ينسى ويروح لمرته يظمه
……. ومايسعده غير تمه عتمه
الرسول قال .. امه .. ثم امه.. ثم امه
تذكري قولي .. لما تصيري لابنك امه
خالد سويد
أكاديمية رياض الشعر والأدب 