السعادة// بقلم الشاعر: حربي علي

أغنية
(السعادة)

قالوا : عن السعادة
في عنيكي سكر زيادة
والضحكة من شفايفك
سلاح فرح وإبادة

جمال الوش نعمة
دا اللي مايشوفه يعمى
والحلاوة شجرة عامة
بتطرح . لعبيد وسادة
قالوا : عن السعادة

شفت بعنيكي لمعة
ضوت لعيني شمعة
من فرحة بعد دمعة
شالت م العين السوادة
قالوا : عن السعادة

دخلت جواكي جنة
خلت لحياتي معنى
مستني بس سنه
وأملك فيكي الإرادة
قالوا : عن السعادة
في عنيكي سكر زيادة

(السعادة)
ل حربي علي
شاعر السويس