آة يا زمن..
عبدالله رجب ابوعدنان
آة يا زمن ع الناس لما تتغير
وافضل انا زي ما انا
الدنيا صغيره أوي مهما تكبر
ليه بيحسبوها فقر وغنا
انا ياما ضحيت علشانهم
ودوست على أحزاني
كنت عشمان ف طيبتهم وحنانهم
وسقيتهم من حناني
لا طمر عيش ولا ملح
وكل ما دا بيزيد الجرح
امتا يا زمن يعود الفرح
والأحزان فينا متمكنه
باعو بالرخيص وانا اشتريت بالغالي
دموع عنيا ما نشفت وراضي بترحالي
ايه غيرهم ايه خلاهم خلاص مش خلاني
وبدور على حبايبي بقالي سنه
أكاديمية رياض الشعر والأدب 