(عايز اقولك)
بقلمي الشاعر/محمد غبن
13/6/2022
كلمات عاميه بلغة محكيه
عايز أقولك إن فراقنا مكنش مترتب ليه ومقصود
إحنا كنا عايشين في ضيقه
وقتها قولنا ممكن
الأمل يعود
يرسم علي وجوهنا إبتسامه ترجع معاها شويه من كرامه
وبرغم كدا مكنش
علينا وقتها اي ملامه
إحنا اللي كنا مؤدبين بطريقه غريبه شويتين
ناس بتحترم نفسها وسط ديابه سعرانين
طيب إزاي عشتوا كدا مع ناس عقلها غايب
بعدتوا ليه عن بعض
وقت ما الأمل عايش بس دايب
وانتم طيور تشبهوا نعومة الحمامه
برغم كدا ماشاء الله عقلكم كبير بس
تايه في دنيا ظالمه ونسيانا
هو حد يقدر يشتكي الغوله لأمها
ولا مفكرينها سايبه وحد هيروح يقولها
إنك غلطت غلطة هتوقف الحياه كلها
أبدا عمره ماهيحصل إن حد هيجي جنبها
عشان كدا قولتلك فراقنا مكنش مقصود
هو ترتيب مؤقت علي أمل إن حقيقة العشق
تعود
شايله معاها فرحة زمن ماتت فيه القيم والعهود
أكاديمية رياض الشعر والأدب 