((بلاش نضحك على نفسنا))
بقلمي (( منى شحاتة))
جمهورية مصر العربية اوهام كتير بنعشها عارفين إنها اوهام وبرغم كده بنمني نفسنا بيها طب ليه بنضحك على نفسنا ونعيش بقى فيها فاكرين إن ممكن تتغير في يوم وفجأة..نلاقيها بتخدنا لحضنها وتغير دنيتنا وتغير... معانيها ونفضل نكدب ونكدب على روحنا ونتوه في ضواحيها نقابل وشوش ووشوش مليانه رتوش متلغبطة مافيش معالم... ليها ناس غريبة وعجيبه مش عارفه اوصف ايه... فيها كل يوم بتتغير بشكل مغشوش من غير ضمير... ليها ضماير ميته مافيش جواها غير دم بارد... فيها بتقتل جوانا كل مشاعر حلوه حسينا يوم ...بيها بسهوله بتغرز سكينه ف ظهرك بسموم مليانه... بيها وتصرخ مهما تصرخ تلاقي الحقيقة محدش بيسمع ... ليها حرام كفاية بقى سيبوني اعيش في دنيتي اللي عشت زمان... فيها دنيا الطفولة البريئة نفسي ارجع تاني... ليها وابعد عن كل وشوش مهما كان ظاهر جمال...فيها جمال كداب بقناع بيرسموا بدايته ... بيها ولما يقع القناع بتظهر الحقيقة... بعديها يبقى بلاش نضحك على نفسنا ونعيش معاهم...فيها
أكاديمية رياض الشعر والأدب 