طبطب عليها
طبطب عليها
وأمسك ايديها
واحلى كلام قول لها
فرحها قوى بنفسها
الست عايزه كلمه حلوه
عايزه ورده وكمان سمعها غنوه
اوعى تكرها فيك
عشان لو كرهتك
هتنساك وهتطلع
من قلبها
ولو طلعت من قلبها
هتخسرها وتخسر حبها
الست زوجتك وامك
وبنتك واختك
حبها من قلبك
واحترم كيانها
ووجودها ومشاعرها
اوعى تزعلها
أو تجرحها أو تخونها
وتقول هى السبب
وتدي لنفسك اعذار
دى الخيانه حرام
وجرح للست ومرار
اوعى تخليها
تبكى وتزعل وتنهار
وتخليها تختار
بين كرامتها وبينك
لو خونتها هتختار كرامتها
وانت السبب فى الاختيار
وهتطلعك من قلبها
وعمرك تانى ما هاتشوف حبها
ولو كانت الخيانه فى دمك
عمر ما حد يأامن لك
حتى ولو كانت امك
المخلص مخلص من نفسه
مش محتاج حد يقوله
واللى يخون
اي حاجه عليه فى الدنيا تهون
ملوش عزيز ولا غالي
قلبه من الحب والأخلاص خالي
وابعد عن الخاين
قليل الأصل
وما ترخصي نفسك
وخليك طول عمرك غالي
بقلم غادة عبد المنعم
أكاديمية رياض الشعر والأدب 