امانى العمر
امانى العمر فى الوجدان
كضوء الشمس وسط خيطان
مابين واقع وبين اوهام
وهمس قال لى احلى كلام
كموجه حايره بين شطئان
بتتراقص مع الانغام
وتتركنى شريد ظمأن
سواقى تدور مع الايام
كطيف يشمل كتير الوان
يراود قلبى فى الاحلام
يصاحبنى فى كل مكان
امانى العمر؟ رفقينى
كبسمه رقيقه فى جبينى
بكلمه واحده تحيينى
ده هجرك والله على عينى
امانى وامتى تتحقق
تحن علينا ؟ تترفق
تامن بينا وتصدق
تفرح عمرى وسنينى
بشهد القُرب تسقينى
ونتغازل مع القمره
ياريت تطولى ياسهره
واهديكى 200 زهره
مابين نرجس وياسمينه
وترسى الموجه ع المينا
وقطرات الندى الطاهره
بتغسل دمعه ف عينينا
بساط الريح ياخدنا لفوق
ونتغازل برقه وذوق
ياموج البحر اهدى وروق
انا عاشق عيونها السُمر
كلامى ليك حبيب العمر
شعر احمد اسماعيل / شاعر العرب
امانى العمر// بقلم الشاعر :احمد اسماعيل
أكاديمية رياض الشعر والأدب 