☆☆☆☆☆☆☆☆ أنا الموجوع ☆☆☆☆☆☆☆ باقول الأااااااااااه بصوت مسموع بقولها بصوت فقير واقع قوي من الجوع انا المنقوع في بحر دموع بنار الحوجة ، جوايا أنا الملسوع وقطر العمر ، بيعدي مافهش رجوع أنا الممنوع من الفرحة من الضحكة ولو أسبوع دا حتى الهدمة لابسينها . بتوب مقطوع أنا اللي الحياة عندي كابوس لو نمت ، أقوم مفزوع دي قصة بسيطة ، موجودة ، ومنسية و دنيا الناس معدية ، بكل خنوع وقالوا الرحمة جوانا دا شيء منزوع يارب الكون انا العشمان أنا الغلبان أنا التعبان وواثق إن من عندك أكيد فيه حل للموضوع ♡♡♡♡♡♡♡♡♡♡♡♡ كلماتي / شاذلي محمد عبدالرحمن حسين
أنا الموجوع// بقلم الشاعر : شاذلي محمد عبدالرحمن حسين
أكاديمية رياض الشعر والأدب 