اغضبى
اغضبى وامشى براحتك
شوفى كام مره سامحتك
لما اعاتبك ليه بتزعل
ليه بتهجر؟ليه بتفعل
لما أقرب لك بتبعد
ليه بتخلف لما توعد
ليه بتكسرنى ف عواطفى
ليه تخاصم رغم أسفى
كل مره اعود اليكى
والعيون مشتاقه ليكى
صبرى طال والله عليكى
مستحيل صبرى يدوم
وسط اكوام الهموم
شوفى حتى دق قلبى
كل دقه بتناديكى
ايه نهايه كل ده
قولى ليه متردده
هو حبى مش كفايه
ولا ايه اخر النهايه
الوداع هايكون طريقنا
والبكاء يصبح رفيقنا
والضياع هايكون صديقنا
فاكره بخسارتى هاتكسبى
وناويه لقلبى تعذبى
لو هو ده حلمك حبيبتى
عيشى حياتك واغضبى
شعر احمد اسماعيل / شاعر العرب
اغضبي // بقلم الشاعر : احمد اسماعيل
أكاديمية رياض الشعر والأدب 