كان نفسي
……………..
كان نفسي
ادوب فى صوتك
واحس باسمى غنوه
حروفي فوق لسانك
ياحبيبتى حاجه تانيه
كان نفسى ادوق مشاعرك
ياشوق ما بعده شوق
اسكر فى حبك واقولك
ياحبيبتى مش عايز
افوق
سبينى احلم بحبك
واشتاق لعطف قلبك
كان نفسي ادوق شفايفك
وادوب فى احلى شوق
بس غصب عنى
وانا حبى له حدود
ما اقدرشي اخطى حدى
وارد يوم وداعتك
بشئ م الجحود
كان نفسى اقول واذيد
والساعة معاك عيد
باشوف فى عنيك حب
واحساسك منى خد
القلب من جديد
على شحاته سليم
أكاديمية رياض الشعر والأدب 