الغي الفكرة من راسك وانسى الموضوع
وعلى ذات الدرب الجابك حاول الرجوع
و لا تضيع فرصة عمرك يا خوفي تجوع
تحمل على قلبي دينك وتقل الحساب
خبي فكارك يااسمر مش ناقصة جنون
بيكفيني اللي فيني و دافعة الرعبون
النبض بقلبي يا قلبي صار لك حسون
ليبدا الصبح من عيوني برقص الهداب
يلملم بحدود السهرة وومضة النجوم
و يلقي عالليل بهموا ليبقى بلا هموم
ولو لا لاقى في الهوي عاشق مغروم
يمكن يلغي لو حسابو من الواتس آب
واللي على بالو يرندح وبعالي الصوت
ويلغي بعد المسافة بقواميس الموت
يدخل الشوط التاني ع كبوش التوت
ويعمل م الحبة قبة وينسى العذاب
واللي راضي بالقسمة وشاكر للرب
حبوا بقلبك يا قلبي هيدا بينحب
لكن اوعى ع وجك يوم تجي طب
حتى ما تشمت فينا كروم العناب
ناصيف شرباجي/سوريا
أكاديمية رياض الشعر والأدب 