اشوف قلبي من الوجد طبه فلاس
وافكار جوى اللب تشعل. لهيبه
مثل الذي جاثم ورا حصون متراس
يرقب دبيب الي خطاته غريبه
عليك يلي ودكم زاد ما خاس
تروي ظماة الروح بصفوة. جليبه
ورثت جوا الجوف هجمات وسواس
وادعيت بالخافوق سهمك صويبه
ما دام لبي مركن بحجرة. الراس
إترك ما بينه وبين قلبي. وجيبه
وخلي الحنايا توقف عليه حراس
ترجع خوافي مع مواجد. سليبه
الليل دامس وادغله لون حنداس
وافعال تغشاها دروب. المريبه
احذرك ليوقع الفاس بالراس
والجرح ما تشفيه وصفة طبيبه
لظل طول العمر الاخطار. دواس
اخير ما الاحلام تغدي حطيبه
وبروض فكري ادعي الطيب مقياس
وازرع به الشيمات وانفي المعيبه
شعر: عاطف سيطان البربور
أكاديمية رياض الشعر والأدب 