الوطن في العينين// بقلم الشاعر : د. عزمي رمضان

الوطن في العينين.

# النكبة #

د.عزمي رمضان

أكْتُبي يا يُمّة جُمْلِة بِأوَّل السّطَر
ترى الجُرُح دامي يُمّة والقَلْب إنْكَسَر
لا دَوا يُمّة يِداوي ولا كَسِر يِنْجَبَرً
أُكُتْبي يُمّة عن وَطن بالثّورة إنفَجَر
عن وطن أولاده يُمّة سلاحهم حَجَر
عن وطَن إحْتَلّوه حُثالَة مِن البَشر
سبعين سَنة من القَتِلْ وذَبْح وقهر
أكْتُبي يُمّة ترى القَلب مثل الجَمَر
واحْكي عَن وَطَن تِآمَر عليه البشر
ما أدري هذا قدرنا واللا هُوّ القدر
قالوا شهر إثنين سنة سنتين واصطبر
قَرَّبْنا عالقرِنْ وما ضل دمِع يِنْهَمِر
وِقالوا يُمّة إغْسِلْ وَجَعَكْ بِمَيِّة مطر
إلْمُهِمْ أُصْبُر حتَّى القضية ما تِنْدَثِر
صَبَرنا يُمّة وراحوا أولادنا للوطن مَهِر
ما دَرينا يُمّة العالم فيه الرُّعب انتشر
الإخْوة تفَرَّقوا يُمّة وصار حالنا بخطر
حبابنا لابد بِيوم يرجعوا ونغنّي عالوتر
ورشِّي يا يُمّة على قبر الشهيد عطر
خَلّي الوطن يِفْرح ونغَنّي وننشر الخبر