💐💐💐💐💐 دنيا الناس 💐💐💐💐💐
ياما شوفنا كتير
وكتير ياما
💐 ومتعلمناش 💐
نزعل ونقضيها ملامة
من ظلم الناس
أحزان بنقيس بيها الدنيا
بميزان حساس
وبننسى الفرح .وأحلامنا
💐 منحققهاش 💐
تايهين بأحوالنا ف دوامة
والوقت سرقنا
وراح ولا جاش
لو قولنا النكتة بنسمعها
💐 ومتضحكناش 💐
والبال مشغول بهموم ياما
مهما نخبيها
بتبان ف إحساس
حتى النظرات كلها شاردة
وماليها أساس
بتدور على فرحة ف وردة
💐 أو بوسة ع الراس 💐
أو حضن
يطمن في قلوبنا
ويكون بإخلاص
وأملنا في رب يعد لها
وأيامنا ف لحظة يبدلها
نرسم ملامحنا بتفاصيلها
بإيدينا وزي ما عايزينها
💐 لاخر الأنفاس 💐 💐💐💐💐💐💐💐💐💐💐 دنيا الناس ما أظلمها شادوليات شاذلي محمد عبدالرحمن حسين
دنيا الناس// بقلم الشاعر: شاذلي محمد عبدالرحمن
أكاديمية رياض الشعر والأدب 