نشيج روح
قلبك بحر ضجران
بيغرّق عمر ..
مدري أنا الغرقان
عَ مدّ وجزر..
خبّرني دخلك وين
روح تَ جيب الصبر
ليك الوجع تكيان
ع كتاف القهر..
تِمّي أنا عطشان
والطعم صاير ملح
خدني بحضن هربااان
شْلَحْني ع ضمة صدر
طَقْطِق وَجَع العضام
حاجتنا قهر ..
شوف الدهر زهقان
وعم يغلي جمر
بقلبي الوجع شعلان
ونشّف هالنّبع
صار اللهب شهقااان
عَ تمّ الجرح ..
خايف أنا وتعبااان
شَوّك خدودي الدمع..
والشوق فاض وعام
وتعبّا السطر ..
الشاعرة ..تراث منصور
سوريا
أكاديمية رياض الشعر والأدب 