إزاى تقولى اني نسيت؟
وإزاى يطاوعك لسانك تنطقى حروفها؟
ده انا لو فى قلبي مكان لغيرك…
عيني هاترفض انها تشوفها
خليني اقولك انى مش فرحان..
فيه جوه روحى حاجه بتهدنى..
فيه شئ فى نفسى تقيل وبيشدنى..
قلبي العزيز. اللى مالوش فى الإهانه..
اصبح بدونك للاسف متهان
هاجج فى دنيا من العدم..
ومشاعره بين الاحتياج ليكى . وهروب من الذكرى..
وشويتين م الندم
فياريت تكونى منصفه دقيقه…
وتشوفي فيا اللى انتى مش شايفاه
ومتجبريش روحى تطردك منى..
مع ان نفسى في كده ..وإيديا مش طايلاه.
احمد عبد الغني
أكاديمية رياض الشعر والأدب 