فرشي أحلامك بقلبي// بقلم الشاعر : عيسى وسوف باظة

……فرشي أحﻻمك بقلبي…..
فرشي أحﻻمك بقلبي ونامي
وحبي توسدي تغطي بهيامي
وقفص هالصدر ﻻإلك معبد
ع حيطانو إكتبي فعل الندامة
غيرك ما حدا حبي توسد
ولغيرك ما علنت مرة غرامي
وسواك ماعشقت الله بيشهد
عليي أنا وعا صدقي بكﻻمي
ﻷجلك عبير من الورد بشحد
وعطورو بسرقا وبصفا حرامي
لحتى قلبك الهموم يسعد
سرقت العطر من ورد شامي
حرامي بالمحكمة إسمي تقيد
حرامي محنك وعندو كرامة
ﻷجل الحب روميو إستشهد
ﻷنو وفي وكليتو شهامة
وجبران النبي قصة حب خلد
برسائل عشق كليتا فخامة
بعد سلمى كرامة الحب جدد
مع مي ونسي سلمى كرامة
م بدي بداخلي جبران يولد
بدي من جنون لا قيس أبعد
وحب يعيش ﻻيوم القيامة
…….
بقلمي
الشاعر عيسى وسوف باظة